Монгол Соёлын Төв нь АНУ-ын Виржиниа муж улсын Арлингтон хотын захиргаанд бүртгэлтэй, ашгийн бус, төрийн бус, олон нийтийн байгууллага бөгөөд АНУ-д хэл соёлоо сурталчлан дэлгэрүүлж, Монголчуудынхаа дунд соёл боловсролын төрөл бүрийн үйл ажиллагаа зохион байгуулна.
Зорилго:
- Монгол хэл, соёл, түүх, зан заншил, урлаг, утга зохиол, спортыг АНУ-д сурталчлах
- АНУ дахь Монголын залуу үеийнхэнд эх хэл, соёлыг нь өвлүүлэх
- АНУ дахь олон Монгол үндэстэн ястныг ойртуулан нэгтгэх, туслан дэмжих
- Монгол улс дахь Монгол судлал, боловсрол, соёл урлагийн байгууллага, эрдэмтэд, оюутнуудын ажил үйлсийг дэмжих
Үйл ажиллагаа:
- Монгол хэл, түүх, соёлын чиглэлээр улирал тутмын хэвлэл гаргах
- Монгол соёлын цуврал лекцийг англи хэлээр бэлдэж, АНУ-ын сургууль, хүрээлэнгүүдэд танилцуулах
- Монгол судлалын эрдэм шинжилгээний хурал зохион байгуулах, Олон улсын хурлуудад Монгол улсын судлаачдыг татан оролцуулах
- АНУ дахь Монгол иргэд, хүүхдүүд болон сонирхсон бусад хүмүүст Монгол хэл, бичгийн сургалт явуулах
- Монгол улсаас жилд нэг эрдэмтнийг урин авчирч их дээд сургуулиудад лекц уншуулах болон Монгол судлалын шилдэг оюутнуудыг дэмжих тэтгэлгийн сан бүрдүүлэх
- Монгол зураач, уран бүтээлчдийн үзэсгэлэн гаргах, Монгол судлалын цуврал лекц зохион байгуулах
| < Өмнөх |
|---|
